Eugenio II![]() | |||
---|---|---|---|
![]() | |||
15 mayu 824 - 27 agostu 827 (Gregorianu) ← Pascual I - Valentín (es) ![]() | |||
Vida | |||
Nacimientu | Roma, circa 780 | ||
Muerte | Roma, 27 d'agostu de 827[1] (46/47 años) | ||
Sepultura | basílica de San Pedru | ||
Oficiu | sacerdote católicu | ||
Llugares de trabayu | Roma y Estaos Pontificios | ||
Creencies | |||
Relixón | Ilesia Católica[2] | ||
![]() |
Eugenio II. (Roma (¿?) – 27 d'agostu de 827). Papa nᵘ 99 de la Ilesia católica de 824 a 827.
Escoyíu col sofitu de la nobleza y en contra de la opinión del pueblu romanu que prefería como papa a Licinio, solicitó'l sofitu del emperador Ludovico Pío quien unvió a Roma al so fíu y correxente Lotario I col fin de caltener l'autoridá del nuevu Papa.
Aprovechando la so estancia en Roma, Lotario impunxo a Eugenio II un documentu conocíu como Constitutio Lotharii pol que se corrixeron los numberosos abusos de l'alministración papal, restauróse'l poder de la nobleza ya incluyóse un estatutu según el cual nengún papa sería consagráu hasta que la so eleición fuera aprobada pol emperador d'Occidente.
Mientres el so pontificáu, al constatar que munchos clérigos desconocíen aspeutos básicos de la doctrina, decretó que los mesmos fueren suspendíos de les sos funciones hasta ser debidamente formaos, polo que se-y atribúi la creación de los seminarios.
Habilitó a los clérigos a dedicase a actividaes seculares y a vistir acordies con diches actividaes.
Coles mesmes formó una comisión pa xixilar los cánones y lleis de la Ilesia y que constituyó'l xerme de la curia romana.
Poles midíes qu'adoptó a favor de los probes, viudes y güérfanos recibió'l nomatu de “padre del pueblu”.
Finó'l 27 d'agostu de 827 y foi soterráu na Basílica de San Pedro.